•   Minggu, 29 Maret 2020
Suroboyoan

Langkah Sekolah Ngadepi Jadwal Unas 2019 seng Dimajukno

( words)
Ilustrasi ujian nasional SMA. Jadwal Unas 2019 dimajukno ngadepi Pemilu lan Ramadan.


SURABAYAPAGI.com, Surabaya - Jadwal Ujian Nasional (Unas) taun iki bakalan dimajukno karo persiapane sisan luweh awal yoiku sejak Maret 2019. Taun sak durunge persiapan iki digelar mulai April.
Selain Pemilu 2019, momen Ramadan yo dadi pertimbangan majune pelaksanaan ujian nasional taun ngarep.
Mbasio jadwal dimajukno, nanging pihak sekolah ngeroso gak keberatan karo jadwal iku.
Kepala SMAN 1 Surabaya, Khairil Anwar ngaku gak masalah karo tahapan Unas seng dimajukno, yoiku sinkronisasi Unas SMA pas akhir maret ambek pelaksanaan Unas pas 1, 2, 4, lan 8 April 2019.
Soale, dalam rentang waktu iku wes dadi momentum siswa ngelaksanakno ujian. Mulai teko ujian praktik, ujian sekolah berstandar nasional (USBN), nganti UNBK.
"Saiki, sekolah sibuk ngisi rapor semester ganjil. Jek ket Januari 2019, persiapan gawe UNBK bakal diintensifkan. Yo nggarap latihan soal lan pendalaman kisi-kisi,” jarene.
Secara umum, Khairil nyebutno gak onok perbedaan berarti nang pelaksanaan Unas taun iki dibanding Unas taun sak durunge.
Gawe taun iki ancen bakalan disajikno soal-soal HOTS (soal ambek kemampuan berpikir tingkat duwur). Mangkakno iku, guru’e kudu paham soal-soal HOTS, opo maneh soal mapel seng diujinasionalkan.
Teko segi sarana prasarana, persiapane wes dilakoni. Onok 90 unit komputer seng disiapno gawe 265 siswa. Komputer iku bakalan digunakno gawe telung sesi ujian ben dinone.
Bedo karo SMAN 1, UNBK nang SMAN 15 Surabaya seng bakalan dilaksakno ping loro. Hal iku disesuaino karo jumlah siswa lan ketersediaan komputer.
Kepala SMAN 15, Johanes Mardijono ngomong, onok 226 unit komputer seng disiapno. Komputer bakalan digunakno gawe 392 siswa.
"Sarana prasarana ambek pembelajaran wes siap. Tambahan pelajaran yo bakalan dikei mulai Januari 2019 ben Jumat karo Sabtu," lanjute.
Motivasi bakalan dikei gae siswa. Dalam waktu cidek, pihak’e bakal ngundang tokoh inspiratif seng isok ngekei suntikan semangat gawe siswa.
Harapanne, siswa isok tergugah atine gawe mempersiapno diri nyambut ujian nasional.
”Arek-arek kudu disiapno. Seng penting, gak usah tegang lan ujian gak dadi momok siswa,” pungkasane

Berita Populer