SURABAYAPAGI.com, Sidoarjo - Anggota Unit IV Premanisme Jatanras Ditreskrimum Polda Jatim nangkep sindikat pemalsu dokumen negara seng ngelibatno mantan pecatan Aparatur Sipil Negara (ASN) Kabupaten Sidoarjo.
Dua pelaku seng dadi otak kejahatan iki yoiku Sosiawan (44) warga Jl Flamboyan, Kelurahan Kepunten Kecamatan Tulangan Kabupaten Sidoarjo lan Tjuk Bintoro (47) warga Dukuh Kupang, Surabaya.
Wong loro iku mantan ASN Kabupaten Sidoarjo.
Mbaringono, onok telu pelaku liyane, yoiku Basir (46) warga Perum Alam Mutiara Desa Kendal, Kecamatan Candi Kabupaten Sidoarjo, Yudi Priambodo (35) warga Kloposepuh Sukodono Kabupaten Sidoarjo, karo wong wedok jenenge Laras (36) warga Desa Bambe, Kecamatan Driyorejo Kabupaten Gresik.
Nang sindikat iki, mereka dadi penghubung utawa perantara.
Dirreskrimum Polda Jatim, Kombes Pol Gupuh Setiyono jelasno pelaku adakno sindikat pemalsu dokumen negara koyok Kartu Tanda Penduduk (KTP), Kartu Keluarga (KK), lan Buku Nikah.
Bahkan, pelaku malsukno surat sertifikat tanah sampek SIUP (Surat Izin Usaha Perdagangan).
"Pelaku adakno sindikat pemalsu dokumen nang Tandes, jek onok wong loro (sindikat) seng jek diselidiki," jarene nang Mapolda Jatim, Senin (3/12).
Gupuh ngomong, pelaku ngelayani jasa pembuatan dokumen iku nang setiap pemesan. Sak paket KTP karo KK palsu senilai Rp 1,4 juta.
Surat nikah palsu lan surat sertifikat seng liyane regane Rp 1 juta. Dokumen iku digae pemesan gawe syarat administrasi pengajuan pinjaman nang Bank Perkreditan Rakyat (BPR).
"Surat identitas palsu iku wes digae karo pemesan seng ngajukno kredit ping loro nang BPR Jemursari karo nang BPR Taman Sidoarjo," pungkasane.
Dijelaskano maneh, Sosiawan lan pelaku Tjuk Bintoro ngekei duwek Rp 600 ribu nang perantara gawe dokumen palsu. Pihake nyita barang bukti ratusan surat koyok dokumen buku nikah, KTP, KK, sertifikat tanah palsu.
"Dokumen palsu iku wes nyebar nang sejumlah panggon," jarene.
