SURABAYAPAGI.com, Surabaya - Partai Hanura Jawa Timur isok menuhi target nang Parliementary Threshold lan target kursi legislatif weng wes dipatok.
Hal iku diungkapno ambek ketua DPD Hanura Jawa Timur, Kelana Aprilianto pas wayahe pembekalan gawe 1.291 caleg Hanura sak Jawa Timur iki nang Hotel Wyndham Surabaya, Senin (3/12).
Selain ditekani karo Wakil Ketua Umum Hanura Yus Usman Sumanegara, Ketua DPD Hanura Jawa Timur Kelana Aprilianto, kegiatan pembekalan calon legislatif Partai Hanura ditekani sisan karo ketua Tim Kampanye Daerah Jawa Timur gawe Jokowi - Maruf Amin.
"Pembekalan iki diharapno isok menuhi target Parliementary Threshold, akeh sisan seng teko internal maupun eksternal, pasca pembekalan iki awak dewe nyatukno strategi langkah gawe menuhi target iku," jare Kelana, Senin (3/12).
Kelana njelasno, Hanura Jawa Timur nduwe target signifikan seng diharapno isok diraih. Pihake optimis lek Hanura Jawa Timur isok meraih target seng wes dipatok.
"Partai Hanura nang jawa timur saiki sangat luar biasa sekali, awak dewe isok bentuk struktural seng komplit nang Jawa Timur nganti tingkat desa, lan iki diadakno ben isok nyantukno antara Caleg karo struktural nang partai Hanura, ben isok mencapai target opo seng awak dewe pingini lan diharapno," jarene.
Kelana jelasno, Partai Hanura nduwe target nang DPRD Jawa Timur isok meraih 14 kursi, DPR RI 6 kursi, lan DPRD Kota isok meraih 150 kursi nang seluruh Jawa Timur.
