Pemkot Surabaya Nambahno Jalur Gae Sepeda

Selasa, 13 Nov 2018 10:29 WIB

SURABAYAPAGI.com, Surabaya - Pemerintah Kota Surabaya nambahno jalur sepeda nang sejumlah ruas dalan utama Kota Pahlawan. Penambahan jalur sepeda iki ketok nang ruas frontage road Dalan Ahmad Yani, Dalan Sulawesi - Dalan Gubeng lan Dalan Profesor Dr Moestopo sisi kidul. Ruas jalan nang sebelah kiwo dikei tambahan cat warna ijo gunane ngekei panggon khusus gawe pengendara sepeda roda loro ben isok lewat nang embong gede. Kepala Bidang Rekayasa Lalu Lintas Dinas Perhubungan Kota Surabaya Joko Supriyanto ngomong penambahan jalur sepeda iki ancen sengaja ditambahno gawe ngekei kenyamanan bagi pengendara roda loro. "Tentu tujuanne gawe pengguna roda loro opo maneh sepeda seng gak bermotor yo, ben isok luweh nyaman pas berkendara, mergo asline mereka iku cukup rentan, gak onok pengamane," jarene Joko, Selasa (13/11). Selain iku, dalam aturan Kementerian Perhubungan, gawe setiap kota metropolitan kudu disyaratno gawe duwe jalur sepeda. Dadi mereka seng pingin bermobilitas karo sepeda isok aman lan tetap terlindungi karo jalur khusus. Lebih lanjut, Joko ngomong, penambahan jalur sepeda iki yo digawe mempercantik kota lan ngekei stimulus ben tambah akeh warga seng gunano sepeda dalam bermobilitas, ben polusi isok dikurangi sisan. "Jalur sepeda seng saiki digarap nang telu titik iku onok seng anyar lan onok seng ancen ditebelno. Awak dewe ngekei cat warna ijo lan tulisan jalur sepeda," imbuhe. Badan dalan seng ditambahi jalur sepeda iku terutama seng wes duwe pedestrian lan duwe rambu larangan parkir.

Editor : Redaksi

Tag :