Pencarian Korban Tenggelam nang Jagir Dimandekno

Jumat, 25 Jan 2019 11:05 WIB

SURABAYAPAGI.com, Surabaya - Mbasio pencarian korban tenggelam nang Sungai Jagir, Wonokromo, Surabaya, wes dimandekno, Kamis (24/1), tapi petugas Linmas Surabaya bakalan terus berjaga nang posko tim SAR nganti waktu sing gak ditentukno. Cara iku sengaja dilakoni, sak marine upaya pencarian sing dilakoni karo nyusuri lan nyelam nang Sungai Jagir, gak mbuahno hasil. "Awak dewe tetep ngelakoni pencarian tapi carane lain, gak ambek nyelam utawa nyusuri sungai koyok wingi," jare Yusufwong sing dadi pimpinan Tim Operasi SAR Sungai Jagir, Kamis (24/1). Yusuf wes mengimbau warga setempat, lek engkok nemoni tubuh Untung (37) ngambang nang permukaan Sungai Jagir, ben langsung nyeluk petugas sing njogo nang posko. "Sopo ero engkok onok warga sekitar utawa nelayan nemoni, isok langsung nyeluk petugas mrene," jarene. Pukul 17.45 WIB panggon posko Tim Operasi SAR Sungai Jagir sing terbuat teko tenda berukuran 5 meter x 2 meter iku, ketok sepi. Beberapa peralatan selam koyok tabung oksigen, fin, belasan setel klambi diving lan jaket pelampung sing biasane tergeletak nang sudut posko, saiki gak ketok maneh. Yusuf ngomong, Petugas Basarnas, Tim Becak Air Satpol PP Surabaya, lan Yon Taifib Marinir Karang Pilang Surabaya wes ninggalno lokasi. "Sak marine evaluasi wes ditetapno masa tanggap darurat," jarene. sry

Editor : Redaksi

Tag :