SURABAYAPAGI.com, Surabaya - Persebaya Surabaya bakalan mbalek latihan sak marine prei sak minggu. Rencanane, latihan perdana Bajul Ijo bakalan berlangsung nang Stadion Jenggolo, Selasa (18/12).
Latihan Bajul Ijo digenjot gae nyiapno diri nyambut babak 64 besar Piala Indonesia.
Latihan perdana iki bakalan dipimpin ambek asisten pelatih, Bejo Sugiantoro, soale pelatih kepala, Djadjang Nurdjaman jek sibuk kursus AFC Pro.
Kompetisi Liga 1 wes buyar. Para pemain wes prei ket 9 Desember. Sesi latihan maneh diadakno mene sore (18/12), jarene asisten pelatih Persebaya, Bejo Sugiantoro, Senin (17/12).
Ditambahno Bejo, fokus latihan perdana iki yoiku ningkatno kondisi awake pemain koyok program seng wes direncanakno karo coah Djanur sak durunge mlebu masa prei.
Coach Djanur wes nyusun program, garek ngejalani tok ae. Mene fokus gawe ngembalikno kebugaran pemain sesuai kondisi semula, pungkasane.
Jarene, sak durunge prei, tim pelatih wes ngekei PR nang pemain ben tetap njogo kondisi awak pas ngejalani preian.
Sak durunge preian, pelatih wes njaluk pemain tetap njogo awak lan kebugaran. Awak dewe percaya mereka isok njogo awake, jarene Bejo. sry
