SURABAYAPAGI.com, Surabaya - Jajanan Korea, Smooky Days, saiki lagi ngehits lan disenengi karo arek gaul Surabaya.
Salah siji panggone seng dodolan Smooky Days Surabaya nang lantai LG, Royal Plaza Surabaya.
Korean Frozen Food iki nduwe varian rasa koyok Stroberi, Coklat, Jagung, lan Pandan, dilengkapi karo tambahan topling meses lan susu. Regane Rp 25 ewu per cup.
Karyawan Smooky Days Surabaya nang Royal Plaza, Rahmat Sahidin, njelasno carane Korean Frozen Food digawe karo tahapan seng kudu diperhatikno.
"Awale iku lebokno nang cup, terus disemprot karo nitrogen selama 15 detik karo nitrogen seng pas.
Soale tambah akeh banyu nitrogene, snacke tambah metu kabeh," Jarene pas ditemoni nang Royal Plaza, Jumat (23/11).
Dee nambahno, Korean Frozen food mek bertahan sekitar 15 menit bahkan kurang kandungan nitrogen seng isok nimbulno asep nang snack.
Geraine isok entuk omzet sekitar Rp 1,5 yuta ben dino lan Rp 8 yuta nganti Rp 10 yuta ben sak minggu.
"Omzet penjualane berpengaruh pas jajane sek ngehits. Varian rasa seng paling disenengi iku rasa coklat, stroberi lan mix," jarene.
Onok seng kudu diperhatikno pasngincipi jajanan Smooky Days iki, yoiku gak oleh ngonsumsi banyu nitrogen.
"Isok garai ilat loro," pungkasane
