Warga seng Cidek Pembangunan Apartemen Mengaku Keweden

SURABAYAPAGI.com, Surabaya - Warga lorong ngisor bangunan dalan seng rencananne dadi akses nang apartemen area MERR, Minggu (16/12).
Warga RT 6 RW 7 Kelurahan Medokan Semampir, Keputih, seng panggone nang sebelah lor pembangunan Bale Hinggil, turut ngerasakno pembangunan proyek nang kawasan cidek perkampungan mereka.
Pembangunan Bale Hingil seng dimulai 2014 iku wes ngekei kompensasi nang warga. Bahkan, selama proses pembangunan, omah warga seng sempet rusak soale gerakan tanah sisan entuk genti teko kontraktor.
Heru Setiawan (63), warga kampung ngomong, sejauh iki proses pembangunan gedung gak onok masalah berarti. Opo maneh pekerjaane proyek dilakoni mek sampek awan.
"Lek rame yo luweh rame dalan gede sampek bengi soale," jarene.
Warga mulai keweden pas dibangun jembatan melintas nang ndukure dalan warga. Padahal dalan iku merupakan akses utama kendaraan gede nang wilayah kampung.
"Awak dewe gak ero lek onok pembangunan jembatan nembus dalan gede MERR iku. Pastinr awak dewe kabotan soale akses kampung dadi keblokir," pungkasane Heru.
Kampung seng dadi kawasan RW 7 iki, lanjutane, nduwe akses sepeda motor seng ngelintas nang sungai sisi lor kampung. Sementara, akses mobil isok ngelewati terowongan nang ngisore dalan gede MERR lan sisi kidul kampung bersebelahan ambek Bale Hinggil.
"Kompensasi gae awak dewe berupa bangunan, lek jembatan gak ngolehi soale kendaraan truk gak isok mlebu. Bahkan, PJU mati gak isok diganti, soale kendaraan gak isok mlebu," tambah warga liyane, Heri Suryadi (59).
De’e ngomong, upaya ngelaporno hal iki nang pemerintah Kota Surabaya wes dilakoni warga. Bahkan, Komisi C karo Wali Kota Surabaya sempet ndelok keadaan kampung.
"Lek koyok ngene, pemadam kebakaran gak isok mlebu kampung. Soale akses terowongan tinggine mek 2,8 meter. Lek kebakaran koyok Kapasan, opo seng disalahno engkok warga," keluh Heri.
Menurute, perizinan pembangunan Bale Hinggil pastine teko pemerintah. Dadi, karo ngelapor nang pemerintah merupakan aksi nyata warga.
"Awak dew ewes ngadu, wes ditekani pemerintah, mosok awak dewe kudu koar-koar terus. Kudune pemerintah mikir solusine. Awak dewe yo gak gelem lapor LSM utawa opo seng biasane onok kepentingan liyo," pungkasane.
Heri ngomong, warga sangat maklum pembangunan seng onok. Bahkan, sekalipun onok rencana pembangunan tahap keloro.
De’e ngeroso kompensasi nang 19 KK warga nang gange gak sebanding ambek terblokire akses warga nang tiga gang kampunge. sry